輸得起 楊埕

有「翻版栢芝」之稱的楊埕，原本是一四年的港姐大熱，惜跟前公司的合約問題而退選。不過，她輾轉於一七年加盟無綫，但今年約滿後，她卻宣布結束僅四年的賓主關係。不但事業，愛情同樣歸零，今年六月跟前男友發生的桃色糾紛，最終見血收場，幸好事過境遷，雙方亦不獲起訴，她對愛情，暫變得心如止水。
一切重新開始的楊埕，決定給自己三年時間，誓要在三十歲前開拓一番事業。「我都唔捨得演藝嘅工作，但拍劇係被動，而我真係好想有自己嘅生意，????家我有間製作公司，每次傾好一個工作都好有滿足感。雖然今年受疫情影響，收入大減，我咪轉型搞Omakase（廚師到會）服務，幸好反應都唔錯，Orlando（何猷啟）都有幫襯。嚟緊，我又同朋友夾份開日本私房菜，都係新嘅嘗試。其實，我太易信人，雖然做生意成日被人呃，惟有當交學費，始終我仲後生，金錢投放唔多，時間都輸得起，生意同感情都同樣輸得起。我呢三年打算嫁畀工作，感情事順其自然，希望將來搵到一個好似我爸爸會洗衫煮飯嘅顧家男人！」
凡事有贏有輸，只有輸得起當下，才可贏得到未來！

 

 

 

楊埕退選港姐後，一五年代表香港到日本出選國際小姐，雖然未有獲獎，但順利開啟了娛樂圈大門。

剛離巢無綫的楊埕，上載了跟林峯和白雲拍攝《使徒行者3》時的合照，她大讚林峯在工作期間分享其心路歷程，讓她獲益良多。